title="Source elevation above sea level (ASL)"

कर्णाली नदि (भारत माइ घाघरा नदि लगै भँण्णान्) तिब्बत का समुद्र सतह बठेइ ३९६२ मिटर उचाइ माइ रया: "माप्चोचोङ्गो" नाउँ का हिमनदि बठेइ निकलिबरे मान सरोवर ताल नजिकै रया: रकोस सरोवर (जै लाइ "राक्षस ताल" लगै भँण्णान्) माइ मिसिन्छे। तै पाछा नेपाल माइ प्रवेश गर्या पाछा मुगु जिल्ला माइ यो "करन खोला" या मुगु कर्णाली सित मिसिन्छे। यिसै खोला का नाउँ बठेइ येइ नदि को नाउँ कर्णाली नदि रया: अनुमान लाउन सकिन्छ। यो नदि बाजुरा जिल्ला रे हुम्ला जिल्ला का ओड़ा होइबरे कालीकोट जिल्ला माइ पुगन्ज्याँ सम्म येइ का भौत सहायक नदिनालाअन ले अद्दा येइ ले खोला बठेइ नदि को रूप लीसक्या: हुन्छ। मुगु जिल्ला माइ रया: रारा ताल को पानी येइ नदि माइ मिसिन्ज्याँ येइ ले विशाल रूप लिइ सक्या: हुन्छ। तसोइ अरिबरे हुम्ला रे बाजुरा का ओड़ा माइ येइ लाइ हुम्ला कर्णाली रे बुढी गंगा मिसिया पछा येइ नदि आँजि ठुलि हुन्छे। कालीकोट का लालीघाट माइ आइबरे येइ नदि माइ जुम्ला जिल्ला बठेइ आयी तिला नदि मिसिन्छे। यिसोइ अरिबरे और नान-नाना खोलानालाअन सङ्ङ लाइबरे ‍यो नदि दैलेख जिल्ला रे अछाम जिल्ला का ओड़ाइओड़ाइ होइबरे अइतिर बढन्छे।

कर्णाली नदी
घागरा
नदी
Countries तिब्बत (चिन), नेपाल, भारत
Tributaries
 - left ठूली भेरी, सानीभेरी नदी, मुगु कर्णाली, तिला
 - right सेती, बुढीगंगा नदी, हुम्ला कर्णाली
Source मानसरोवर ताल
 - elevation 3,962 m (12,999 ft)
Mouth गंगा
Length 1,080 km (671 mi)
Basin 127,950 km2 (49,402 sq mi)
Discharge
 - average 2,990 m3/s (105,591 cu ft/s)
River Ganges and tributaries.png
कर्णाली र गण्डकी सहितको चित्र
(कर्णाली नदी, चिसापानी)

सहायक नदिइनसम्पादन

नेपाल कि सबै है लामि नदि माइ कर्णाली नदि आउँछे। येइ कि सहायक नदिइन : हुम्ला कर्णाली, मुगु कर्णाली, ठूली भेरी, सानीभेरी नदी, तिला, बुढीगंगा नदी रे सेती नदी हन्। कर्णाली नदि कि लम्बाइ नेपाल भितरि लगभग ५०७ कि.मी. रे जलप्रवाहित क्षेत्र ४९,००० वर्ग कि.मी. छ।

  1. हुम्ला कर्णाली
  2. मुगु कर्णाली
  3. ठुली भेरी
  4. सानी भेरी
  5. तिला नदी
  6. बुढीगंगा नदी
  7. सेती नदी

सन्दर्भअनसम्पादन