हरितगृह ग्याँस

हरितगृह ग्याँस तसो ग्याँस हो जै ले तापीय इन्फ्रारेड श्रेणि मी पड्ड्या रेडियन्ट शक्ति लाइ अवशोषित रे उत्सर्जन अद्दान। हरितगृह ग्याँस ले हरितगृह प्रभाव पैदा अद्दान। ग्रह का वातावरण या जलवायु मी परिवर्तन रे अंततः भूमण्डलीय ऊष्मीकरण कि न्युति उत्तरदायी हनान। प्राथमिक हरितगृह ग्याँस कार्बन डाइअक्साइड (CO
2), नाइट्रस अक्साइड (N
2O), मिथेन (CH
4), क्लोरो-फ्लोरो कार्बन, पानी को बाफ (H
2O), ओजोन (O₃) हन। यदि हरितगृह ग्याँस नहुन्याहन भँण्या पिर्थिबि का सतह को औषत तापक्रम −18 °C (0 °F), हुनेइ थ्यो; जो अच्याल 15 °C (59 °F) छ। शुक्र, मङ्गल रे टाइटन ग्रह का वायुमण्डल मी लगै हरितगृह ग्याँस पायीनान।

पिर्थिबि का सतह मी हरितगृह ग्याँसअन ले सिर्जित सौर्य विकिरण को हरितगृह प्रभाव

सन् २०११ मी जलवायु परिवर्तन मी भूमिका खेल्ल्या विभिन्न योगदानकर्ताअन को रेडियोधर्मी बल, पाँचवाँ आइपिसिसि मूल्याङ्कन प्रतिवेदन का अन्सारअ।.

औद्योगिक क्रान्ति (सन् १७५० तिर) पछा का मानवीय कृयाकलापअन ले पिर्थिबि का वायुमण्डल मी कार्बनडाइअक्साइड का सान्द्रता मी ४५% ले बड़ोत्तरि होइरछ, सन् १७५० मी २८० पिपियम बठेइ सन् २०१९ मी ४१५ पिपियम सम्म। छाड्डीबारः कार्बन डाइअक्साइड को वायुमण्डलीय सान्द्रता इति जेदा ३० लाख वर्ष है पैली थ्यो। उत्सर्जित आधा है जेदा ग्याँस को खपत कार्बन चक्र मी शामिल विभिन्न प्राकृतिक प्रक्रिया मी हुनाहुनाइ लै यो वृद्धि होइरैछच। जेदा जसो मानवजनित कार्बन डाइअक्साइड उत्सर्जन जैविक इन्धन का दहन बठेइ निकलन्छ, खास अरिबर कोइला, तेल रे प्राकृतिक ग्याँस; येइ मी वनविनाश, जमीनी प्रयोग मी बदलाव, भूक्षय रे कृषि (पशुधन) को लगै हिस्सा छ। मानवजनित मिथेन ग्याँस उत्सर्जन का मुख्य स्रोत पशुपालन हो जै पछा ग्याँस, तेल, कोइला रे और उद्योग, ठोस फोहर, फोहर पानि रे धान उत्पादन का बगत लै येइ ग्याँस को उत्सर्जन हन्छ।

अइल का उत्सर्जन दर ले सन् २०३६ सम्म तापक्रम 2 °C (3.6°F) ले बड़ि सकन्छ जै लाइ मौसम परिवर्तन सम्बन्धि संयुक्त राष्ट्र संघ का अन्तर सरकारी प्यानल (IPCC) ले "खतरा" को मल्लो तह भँणिबर घोषणा अरिराइछ।