सुशीला कार्की
सुशीला कार्की (जनम जुन ७, १९५२ विराटनगर मी) नेपाल का सर्वोच्च अदालत कि पूर्व प्रधान न्यायधीश तथा नेपाल कि पैल्लि महिला प्रधान न्यायाधीश हन्।[१] कार्की जुलाइ ११, २०१६ मी नेपाल का सर्वोच्च अदालत कि पैल्ली महिला प्रधान न्यायाधीश बनी हन्। प्रधानमन्त्री खड्गप्रसाद ओली का अध्यक्षता मी संवैधानिक परिषद् ले नेपाल का सर्वोच्च अदालत का प्रधान न्यायाधीश पद खी यिनरो नाउँ सिफारिस अरिराइथ्यो।[१][३] कार्की न्यायपालिका मी भ्रष्टाचार विरूद्ध शून्य सहिष्णुता खिलाइ परिचित छन्। अप्रिल ३०, २०१७ मी संसद मी कार्की विरुद्ध माओवादी केन्द्र रे नेपाली कांग्रेस सरकार ले महाअभियोग प्रस्ताव प्रस्तुत अरिराइथ्यो।[४] पुइ लै व्यापक जनदवाद रे महाअभियोग लाइ अइतिर नबढ़ौनाइ दियीया सर्वोच्च अदालत का अन्तरिम आदेश पछा महाअभियोग फिर्ता लीराइथ्यो।
| माननीय न्यायमूर्ति सुशीला कार्की | |
|---|---|
| सुशीला कार्की | |
सर्वोच्च अदालत को प्रधान न्यायाधीश[१]
| |
| कार्यकाल १३ अप्रिल २०१६ – ०६ जून २०१७ | |
| नियुक्त गद्य्या: | नेपाल को संवैधानिक परिषद[१] |
| अग्रज : | कल्याण श्रेष्ठ [१] |
| उतराधिकारी : | गोपाल पराजुली |
| आफ्नोइ जानकारी | |
| जनम | ०७ जुन, १९५२ शङ्करपुर, विराटनगर, मोरङ जिल्ला [२] ,नेपाल |
कुन्को जीवन सम्पादन
यिन आफुना बुवा का सात सन्तान मध्ये जेठि हन्। यिनरि मौ किर्सानि अरन्थि।[१] उनअन विराटनगर स्थित बीपी कोइरालाइ मौ सित नजिक थ्या। सुशीला का बुवा ले उन लाइ डाक्टर बनौन चाह्या लै उन ले भँण्या अध्ययन खिलाइ वकालत रोजिन्। आफुनि मौ मी भौत जना वकालत मी लाग्या का हुना ले सुशीला ले लै तसै मी आफनु पेशा शुरू अर्या को बताउँछिन्। [५] बनारस हिन्दू विश्वविद्यालय वाराणसी मी अध्ययनरत रन्ज्याँ नेपाली काँग्रेस का प्रसिद्ध युवा नेता दुर्गा प्रसाद सुवेदी सित भेट होइबरे ब्या लगै भयो। कार्की का चेला प्रशान्त सुवेदी हन्। प्रधानन्यायाधीश हना है पैली कार्की धापासी स्थित आफुनि बैनि का घर मी बसन्थिन्।[२] भौत जसा नेपाली का घर है आफुनो घर जुदोइ भयाऽ उन माँणन्छिन्। उनरा घर मी उन आर्थिक जोहो अद्दाइ घर बाइर काम अद्देइ रे उनरा लोग्न्या ले घरगृहस्थी हेद्द्या चलन छ।
शिक्षा सम्पादन
सन् १९७२ मी यिन ले महेन्द्र मोरङ क्याम्पस बाटि बि.ए. अरिराइथिन्।[२] यिन ले बनारस हिन्दू विश्वविद्यालय, वाराणसी, भारत बाटि सन् १९७५ मी यिन ले राजनीति विज्ञान मी एम.ए. गरिराइछन्।[६] उन ले सन् १९७८ मी त्रिभुवन विश्वविद्यालय बाटि कानून विषय मी स्नातक उपाधि हासिल अर्याऽ हो।[६]
पेशा सम्पादन
शुरुवात मी सन् १९८५ मी कार्की ले महेन्द्र बहुमुखी क्याम्पस, धरान मी शिक्षण कार्य अर्यो। सन् १९७९ मी उन ले विराटनगर बठै वकालत को अभ्यास अरिन् रे पछा सन् २००९ मी वरिष्ठ अधिवक्ता बनिन्। [६] उन विराटनगर स्थित पुनरावेदन अदालत बार कि अध्यक्ष लगै थिन्। वि.सं. २०३५ साल बठै वकाल अरी उन ले सन् २००९ जनवरी २२ मी सर्वोच्च अदालत मी अस्थायी न्यायाधीश मी नियुक्ति पाइन्[६] भँण्या १८ नोभेम्बर २०१० मी स्थायी न्यायाधीश बनिन्।[६] कार्की ले अप्रिल १३, २०१६ बठै जुलाइ १०, २०१६ सम्म नेपाल का सर्वोच्च अदालत का प्रधानन्यायाधीश का रूप मी काम अर्यो।[७]
उल्लेखनीय निर्णयअन सम्पादन
- ओम भक्त राणा विरुद्ध सीआइएए/नेपाल सरकार (सुडान शान्ति मिशन भ्रष्टाचार)
- नेपाल ट्रस्ट को कार्यालय विरुद्ध प्रेरणा राज्य लक्ष्मी राणा (पूर्व राजकुमारी कि सम्पत्ति)
- पृथिवि बहादुर पाण्डे विरुद्ध. काठमाडौं जिल्ला अदालत (पोलिमर बैङ्क नोट अस्ट्रेलिया मी छापन्ज्याँ भयाऽ भ्रष्टाचार)
- काठमाडौं निजगढ़ द्रुतमार्ग मुद्दा
- सरोगेसी (Surrogacy) प्रकरण
सन्दर्भअन सम्पादन
- ↑ १.० १.१ १.२ १.३ १.४ १.५ http://www.ndtv.com/world-news/nepal-gets-first-woman-chief-justice-sign-of-changing-attitudes-1395219
- ↑ २.० २.१ २.२ "Archive copy". Archived from the original on 2016-04-20. Retrieved 2018-04-08.CS1 maint: archived copy as title (link)
- ↑ http://www.business-standard.com/article/news-ani/karki-to-be-chief-justice-of-nepal-s-supreme-court-116041100432_1.html
- ↑ "Archive copy". Archived from the original on 2017-05-02. Retrieved 2018-04-08.CS1 maint: archived copy as title (link)
- ↑ http://www.bbc.com/nepali/multimedia/2016/11/161122_iv_sushila
- ↑ ६.० ६.१ ६.२ ६.३ ६.४ http://thehimalayantimes.com/kathmandu/sushila-karki-recommended-chief-justice/
- ↑ http://www.supremecourt.gov.np/pages/cv_justices/cv_sushilakarki.html