कैलाश सत्यार्थी (जनम: ११ जनवरि १९५४) यक भारतीय बाल अधिकार कार्यकर्ता रे बाल-श्रमाऽ विरुद्ध पक्षधर हन्। उन ले सन् १९८० मैं बचपन बचाओ आन्दोलनै स्थापना अर्यो जै पछा बठै उन सन्सार भर्याऽ १४४ देशअन का ८३,००० है बर्ति नन्दिनाअनाऽ अधिकार कि रक्षा खिलाइ काम अरि सकिराइछन्। सत्यार्थ्याऽ कामअनाऽ कारण ले वर्ष सन् १९९९ मैं अन्तरराष्ट्रीय श्रम संघ बठेइ बाल श्रमै निकृष्टतम श्रेणिइन मैं संधि सं॰ १८२ लाइ अङ्गीकृत अरियो, जो आब दुनियाभरि का सरकारअन खिलाइ येइ क्षेत्र मैं यक प्रमुख मार्गनिर्देशक हो।[citation needed]

कैलाश सत्यार्थी
कैलाश सत्यार्थी
जन्म (1954-01-11) January 11, 1954 (age 66)
विदिशा, मध्य प्रदेश, भारत
राष्ट्रियताभारतीय
शिक्षासम्राट अशोक प्रौद्योगिकी संस्थान, विदिशा[१]
पेशाबाल अधिकार कार्यकर्ता, प्रारम्भिक बाल शिक्षा कार्यकर्ता[१]
चिनारीको कारणसक्रियतावाद कि न्युति
धर्महिन्दू
पुरस्कारदि अचेनर अन्तर्राष्ट्रीय शान्ति पुरस्कार, जर्मनी (१९९४)
रोबर्ट एफ॰ कैनेडी मानवाधिकार पुरस्कार (१९९५)
इतालवी सीनेट को पदक (२००७)
अल्फोंसो कोमिन अन्तर्राष्ट्रीय पुरस्कार (२००८)
लोकतन्त्र को रक्षक पुरस्कार (२००९)
नोबेल शान्ति पुरस्कार (२०१४)[२]
वेबसाइटkailashsatyarthi.net

उनरा काम लाइ विभिन्न राष्ट्रीय रे अन्तरराष्ट्रीय सम्मानअन तथा पुरस्कारअन बठेइ सम्मानित अरीरैछ। इन पुरस्कारअन मैं वर्ष सन् २०१४ को नोबेल शान्ति पुरस्कार लगै शामिल छ जो उन लाइ पाकिस्तानै नारी शिक्षा कार्यकर्ता मलाला युसुफजई का सङ्ङ सम्मिलित रूप मैं प्रदान अरियाऽ हो।[३]

पछ्याँणसम्पादन

भारताऽ मध्य प्रदेशाऽ विदिशा मैं जन्म्याऽ कैलाश सत्यार्थी 'बचपन बचाओ आन्दोलन' चलौनान्। उन पेशा ले वैद्युत इंजीनियर हन् पुइ लै उन ले २६ वर्षै उमर मैं पेशा छाड़िबरे नन्दिनाअन खिलाइ काम अद्द शुरू अर्याऽ थ्यो। अच्याल उन 'ग्लोबल मार्च अगेन्स्ट चाइल्ड लेबर' (बाल श्रमाऽ विरुद्ध वैश्विक अभियान) का अध्यक्ष लगै हुन्।[३]

वर्तमान समय (अक्टुबर २०१४) मैं सत्यार्थी नयाँ दिल्ली मैं रनान्। उनरि मौ मैं उनरि घरवालि सुमेधा, चेला, ब्वारि तथा चेलि छन्। सामाजिक कामाऽ अलावा उन यक रामड़ा पाकशास्त्री (कुक) लगै हन्।

पुरस्कार एवं सम्मानसम्पादन

  • सन् २०१५ :हार्वर्ड विश्वविद्यालयाऽ प्रतिष्ठित पुरस्कार "ह्युमेनीटेरियन पुरस्कार" बठेइ सम्मानित। यो पुरस्कार सब है पैली भारत मैं सत्यार्थी लाइ प्राप्त भयाऽ थ्यो। [४]
  • सन् २०१४: नोबेल शान्ति पुरस्कार
  • सन् २००९: डिफेण्डर्स अफ डेमोक्रेसि पुरस्कार (अमेरिका)
  • सन् २००८: अल्फान्सो कोमिन अन्तरराष्ट्रीय पुरस्कार (स्पेन)
  • सन् २००७: इटली का सिनेट को स्वर्ण पदक
  • सन् २००७: अमेरिका का स्टेट विभाग बठेइ 'आधुनिक दासता समाप्त अद्दाइ खिलाइ कार्यरत नायक' को सम्मान
  • सन् २००६: फ्रीडम पुरस्कार (US)
  • सन् २००२: वालेनबर्ग मेडल (मिशिगन विश्वविद्यालय द्वारा प्रदत्त)
  • सन् १९९८: गोल्डेन फ्ल्याग पुरस्कार (नेदरल्याण्ड्स)
  • सन् १९९५: रोबर्ट एफ केनेडी मानव अधिकार पुरस्कार (अमेरिका)
  • सन् १९९५: ट्रम्पेटर पुरस्कार (अमेरिका)
  • सन् १९९३: अशोक फेलो चुनीरैथ्या। (अमेरिका)

सन्दर्भअनसम्पादन

  1. १.० १.१ TNN. "'Who is Kailash Satyarthi?'", द टाइम्स अफ इण्डिया, 2014-10-10. छाड्डिबार पुग्या मिति:2014-10-10.
  2. kailashsatyarthi.net (2014-10-10). "'Brief Profile - Kailash Satyarthi'". Retrieved 2014-10-10.
  3. ३.० ३.१ जानिए शांति का नोबेल जीतने वाले कैलाश सत्यार्थी को
  4. http://www.jagran.com/news/world-nobel-laureate-kailash-satyarthi-gets-prestigious-harvard-prize-13043103.html

बाइल्लि सामग्रिइनसम्पादन