ईश्वरबल्लभ
ईश्वरबल्लभ (वि.सं. १९९४ - वि.सं. २०६४) नेपाली साहित्यकार हुन् । उनलाई नेपाली साहित्यको आयामेली अभियानका प्रवर्तकमध्ये एक भनिन्छ। बैरागी काँइला र इन्द्रबहादुर राई सहित उनलाई तेस्रो आयाम साहित्यिक अभियान का प्रवर्तक मानिन्छ। उनले वि.सं. २०२९ सालमा मदन पुरस्कार पाएका थिए ।
| ईश्वरबल्लभ | |
|---|---|
| चित्र:Ishwar Ballav-en.jpg | |
| जनम | जुलाई ११, १९३७ जैसीदेवल, काठमाडौँ, नेपाल |
| मृत्यु | मार्च २२, २००८ (७० वर्ष) काठमाडौँ |
| पेशा | साहित्यकार |
| राष्ट्रियता |  नेपाली |
| विधा | कविता |
| साहित्यिक आन्दोलन | तेस्रो आयाम |
| उल्लेखनीय कार्यअन | आगोका फूलहरू हुन् आगोका फूलहरू होइनन् |
| उल्लेखनीय सम्मानअन | मदन पुरस्कार |
| दम्पति | कमला भट्टराई |
लेखन तथा काव्यप्रवृत्ति सम्पादन
ईश्वरवल्लभका कवितामा इतिहास, पुराण, दन्त्यकथा आदिबाट ताक्षणिकता वहन गर्ने खालका आघबिम्ब र प्रतीक तथा चित्रात्मक, अमूर्त, किलिष्ट, दुर्बोध्य, विचलनयुक्त, भाषिकविन्यास पाइन्छ ! वौद्धिक र प्रतीकात्मक अभिव्यक्ति तथा कतिपय कृत्रिम शिल्पसज्जाका कारण यिनका कतिपय कविता दुर्बोधसमेत बन्न पुगेका छन् ! यति हुँदाहुँतै पनि आनुप्रासिक संयोजन, रुनरावृत्तीय भाषिकविन्यास वा समान्तरताको बहुप्रयोग कारण मुक्तछन्दमा संरचित यिनका गद्यकविताहरू अन्त लयात्मक र अन्त सांगीतिक गुणले अनुप्राणित छन् ![१]
कृतिहरू सम्पादन
- आगोका फूलहरू हुन् आगोका फूलहरू होइनन् (कवितासङ्ग्रह) वि. सं २०२९
- केही भूमिकाहरू (निबन्धसङ्ग्रह) वि. सं २०३१
- एउटा शहरको किनारामा (कवितासङ्ग्रह)
- समान्तर (कवितासङ्ग्रह) वि. सं २०३८
- नीलो माटो (कथासङ्ग्रह) वि. सं २०४१
- सोचको मायामठ, (निबन्धसङ्ग्रह) वि. सं २०५७
- प्रस्तुत (निबन्धसङ्ग्रह) वि. सं २०५९
- धूवाँको जङ्गल (कवितासङ्ग्रह) वि. सं २०६०
निधन सम्पादन
ईश्वरबल्लभ उच्च रक्तचाप र मधुमेहका रोगी थिए। ७० वर्षका उमेरमा हृदयघातको उपचार गर्दागर्दै २०६४ साल चैत ९ गते शनिवार अस्पतालमै उनको निधन भयो।
सन्दर्भ सामग्रीअन सम्पादन
- ↑ गुरुङ, अनुष्कर पुष्कर. कवि ईश्वर बल्लभको काव्यप्रवृत्ति. सिलिगुडी: नेपाली विभाग, सिलिगुडी कलेज.