रोयल रम्बल

रोयल रम्बल यक व्यवसायीक कुस्ती कार्यक्रम हो जुन हरेक वर्ष मध्य जनवरी बठेइ अन्तिम जनवरीको बीच माइ डब्ल्युडब्ल्युई द्वारा आयोजना अरिन्छ जुन अमेरिकाको स्ट्याम्पोर्ड स्थित कुस्तीको यक पदोन्नति हो। डब्ल्युडब्ल्युईले यै कार्यक्रम लाइ पैल्लो फेर सन् १९८८ माइ आयोजना गर्‍या थ्यो रे ऐल सम्म आउँदा यै कार्यक्रमको ३२अौँ संस्करण सम्म पुग्या छ भणे यै कार्यक्रम हालसालै फिनेक्स, एरिजोनामा २७ जनवरी २०१९ का दिन आयोजना अरियाः थ्यो। यै कार्यक्रमको नाउँ ब्याटल रोयल बठेइ साभारगरी रोयल रम्बल राखियाः हो।

रोयल रम्बल
द्वरा निर्मित	प्याट प्याटरसन
पदोन्नति(अन)	डब्ल्यूडब्ल्यूई
ब्राण्ड(अन)	र (सन् २००३–२०११, २०१७–हाल) स्म्याकडाउन (सन् २००३–२०११, २०१७–हाल) इसिडब्ल्यू (सन् २००७–२०१०) २०५ लाइभ (सन् २०१८–हाल)
पैलो कार्यक्रम	रोयल रम्बल (१९८८)
खेल प्रकार	रोयल रम्बल खेल

इतिहास

कार्यक्रम

रोयल रम्बल यक भुक्तान प्रति दृश्य हो जाँ रोयल रम्बल खेल, डब्ल्यूडब्ल्यूका विभिन्न उपाधि खिलाइ खेल रे अन्य अौर खेलअन समावेश अरिन्छ। डब्ल्युडब्ल्युईले रोयल रम्बलको पैल्लो संस्करण २४ जनवरी १९८८ का दिन आयोजना गर्‍या थ्यो जुन युएसए नेटवर्क द्वारा प्रत्यक्ष प्रसारण गरियाः थ्यो। त्यसको अर्को वर्ष बठेइ कार्यक्रम भुक्तान प्रति दृश्यमी प्रसारित हुन शुरू भयो रे यसरी डब्ल्युडब्ल्युईले चार ठूला वर्षिक कार्यक्रम; रेसलमेनिया, समरस्ल्याम रे सरभाइभर सिरजको साथै यै लाइ लै प्रमुख वार्षिक कार्यक्रमको रुपमी मान्यता दियाः थ्यो।

रोयल रम्बलको अन्तिम खेलमी प्रायः रोयल रम्बल खेल हुने गर्दछ। रोयल रम्बल खेलले अन्य खेलअन भन्दा भौती समय लिने भएकाले यै कार्यक्रममी भौती खेलअन समावेश अरिदैन। सन् २००८ बठेइ रोयल रम्बल कार्यक्रम लाइ डब्ल्युडब्ल्युईले उच्च गुणस्तरमी परिवर्तन गरि प्रत्यक्ष प्रसारण गर्‍या थ्यो। सन् २०१८ बठेइ स्वनीको रोयल रम्बल खेल लै आयोजना गर्न शुरू गरियाः थ्यो।

खेल

रोयल रम्बल परम्परागत ब्याटल रोयल खेलमी आधारित छ, जैमी भौतश्र खेलाडिअनले (प्रायः ३०) खेलमी भाग लिने अद्दान। यै खेलको शुरूवात दुई जना खेलाडिले अद्दाा भणे समय समयमी एकएक गरी खेलाडिअन रङ प्रवेश अद्दान। खेलाडिले आफुनो प्रतिद्वन्द्वी लाइ रङको माथिल्लो डोरी बठेइ फ्याक्ने रे प्रतिद्वन्द्वीको दुवै खुट्टाले भुइँमी छोयो भने उ खेल बठेइ निस्कासन हुन्छ। यै खेल खेल्ने खेलाडी मध्ये रिङ अन्तिम रहन सफल रहने खेलाडि खेलको विजेता हुन्छ।

बाइल्ला सूत्रअन

• रोयल रम्बलको आधिकारिक जाल स्थल
• डब्ल्यूडब्ल्यूई डटकम: रोयल रम्बल खेलको विवरण
• डब्ल्यूडब्ल्यू डटकम: रोयल रम्बल खेलको तथ्य
• रोयल रम्बलको इतिहास
• रोयल रम्बल