माई ओपेरा

माई ओपेरा ओपेरा वेब ब्राउजर प्रयोग गर्ने प्रयोगकर्ताअन खिलाइ यक अनलाइन समुदाय थियो। यो ओपेरा सफ्टवेयर एएसए (हाल ओटेलो निगम) सित सम्बद्ध छ। ओपेरा ब्राउजर खिलाइ यक समर्थन साइट हुनुको अलावा, माई ओपेराले यक सामाजिक सञ्जाल वेबसाइटको रूप माइ लै काम अद्दछ। यसले ब्लग, तस्वीर सङ्ग्रह, नि: शुल्क इ डाँक सेवा, माई ओपेरा डाँक लगायतका सेवाअनको प्रदान गर्दछ। माई ओपेरा ३ मार्च २०१३ माइ बन्द भया थ्यो।

माई अोपेरा

साइट को किसम	सामाजिक सञ्जाल सेवा, इ-डाँक, सहयोगी कक्ष
मी उपलब्ध	१९ भाषाअन
रिथि	ओटेलो निगम
युआरएल	my.opera.com
व्यापारिक	हैन
दर्ता	चाहिन्छ
उद्घाटन	अगष्ट २००१
ऐल कि अवस्था	३ मार्च २०१४ बठे निष्क्रिय

इतिहास

माई ओपेराको समुदायलाई अगष्ट २००१ माइ शुरु गरिया थ्यो। ब्राउजर खिलाइ यक साधारण समर्थन साइटको रूप माइ, वेबसाइटको पहिलो पदोन्नति यक मैना पछा सेप्टेम्बर ११ माइ गरिया थ्यो। १५ डिसेम्बर २००३ माइ, वेबसाइटलाई सुधार अरिया थ्यो जसले प्रयोगकर्ताअनलाई थप सुविधाअन माझ पहुँच गर्न अनुमति दिन्छ।

सेप्टेम्बर २००५ माइ, माई ओपेरा समुदायले यस माइ झिक्क सुधारअन ल्याया थ्यो जस माइ तस्वीर सङ्ग्रह, सुधारिया ब्लग (पूर्व जर्नलअन), समूहअन शृजना रे ३०० मेगाबाइट निःशुल्क भण्डारण समावेश छ।

८ मार्च २००७ माइ, ओपेराले साइटको नौलो संस्करणको जारी गर्‍या थ्यो।

यसको सन् २००७ को विकास खिलाइ नौलो हार्डवेयर बिटा परीक्षण वेबसाइटको लागि २६ अक्टोबर २००६ माइ प्रयोग गर्न खिलाइ राखिया थ्यो। यो वेबसाइट नियमित वेबसाइट माइ नौलो हार्डवेयरको अन्तिम स्थापना पछा लै रहन खिलाइ राखिया थ्यो। माई ओपेरा साइट माइ विभिन्न उप-डोमेनअन खिलाइ विस्तृत योजनाअन समावेश छन्।

७ अप्रिल २०११ माइ, ओपेराले सप्पै अवस्थित रे नौलो सामिल हुने माई ओपेरा प्रयोगकर्ताअन खिलाइ माई ओपेरा डाँकको जारी गर्‍या थ्यो जसलाई अोपेराको फाष्टमेल डट एफएम डाँक मञ्चले सञ्चालन अद्दछ।

३१ अक्टोबर २०१३ माइ माई ओपेराका प्रशासकअनले मार्च २०१४ माइ साइट बन्द हुने घोषणा अर्या थिए। माई ओपेराको वेबसाइटलाई कायम राख्न आवश्यक श्रमको आवश्यक रे वैकल्पिक सामाजिक सञ्जाल साइटअनको बढ्दो लोकप्रियताका कारन यैले उक्त सेवा बन्द गरेको घोषण अर्‍या थ्यो।

सेवाअन

माई ओपेराका सेवाअन प्रयोग गर्न खिलाइ खाताको आवश्यकता पडन्छ। प्रत्येक माई ओपेराका प्रयोगकर्ताअनले फाइल भण्डारणको लागि २ गिगाबाइट प्राप्त गरेका थिए।

• ब्लगअन : सेप्टेम्बर २००५ माइ निजी "जर्नल" सेवालाई ब्लग माइ परिवर्तन गरिया थ्यो। ब्लगका प्रयोगकर्ताहरूलाई व्यक्तिगत आवश्यकता अनुसार अनुकूलित गरिया थ्यो। ब्लगलाई मोबाइल फोन बठे अद्यावधिक लै गर्न सकिन्छ। नौलो ब्लग सार्वजनिक, नौलो टिप्पणी रे लोकप्रिय ब्लगका सूचीअन उपलब्ध थिए।

• विशेष समूह : यो समान रुचिअन साझा गर्ने, मानिसअन सित भेट गर्न खिलाइ विकास गरिया यक तरीका थ्यो। प्रत्येक समूहको आफ्नै प्रयोगस्थल, ब्लग रे तस्वीर खण्डअन थिए जहाँ सदस्यअन लागेका कुरा सार्वजनिक गर्न सक्दछन्।

• सदस्यहुअन : यो यक खण्ड हो जहाँ माई ओपेराका प्रयोगकर्ताहरूले प्रवेश भया सदस्यअनका साथसाथै देशअनुसार सदस्यअनको सूचीको अवलोकन गर्न सक्दछन्।

• माई ओपेरा डाँक : नि: शुल्क ई डाँक सेवा हो जुन जिमेल, याहू! डाँक रे आउटलुक डटकमको समान छ। खाताअन माइ १ गिगाबाइट भण्डारण समावेश गरिया थ्यो भने यो माई अोपेराको २ गिगाबाइट भण्डारण भन्दा फरक हो। यो पिओपी रे आइएमएपि ई डाँक पुन: प्राप्ति प्रोटोकलका साथै एक्सएमपिपि तत्काल सन्देशको साथ उपयुक्त थ्यो।

• समाचार पोर्टल : अनुकूलन समाचारअन समावेश गरिया यक वेबसाइट हो जसले गुगल खोज इञ्जिनलाई समावेश गरेको थ्यो।

• तस्वीरअन : यक खण्ड हो जहाँ प्रयोगकर्ताअनले अन्य तस्वीरअन सित उनीअनको तस्वीर साझेदारी गर्न सक्दछन्।

ओपेरा माइ उपलब्ध वर्तमान सेवाअन

ओपेराको खाताको प्रयोग गर्न खिलाइ यहाँ भौती ओपेराका उप डोमेन साइटअन छन् जस माइ निम्नलिखित समावेश छन्:

• ओपेरा प्रयोगस्थल : ओपेराका प्रयोगकर्ताअनले यहाँ ब्राउजरसित सम्बन्धित समस्याअनको समाधान गर्न मद्दत पाउन सक्दछन्। पहिले, ओपेराको प्रयोगस्थल माई ओपेरा साइटसित सम्बन्धित थ्यो। मार्च २०१४ माइ, ओपेरा प्रयोगस्थलअन आधिकारिक रूप माइ ओपेरा वेब ब्राउजरको वेबसाइट माइ सारिया थ्यो।

• अोपेरा विकास: अोपेराका विकासकर्ताअन खिलाइ लेख लेख्न, सुझाव तथा युक्तिअनको साझेदारी गर्न खोलिया यक वेबसाइट हो।

• अोपेरा सूत्र: विभिन्न उपकरणअन माइ ओपेरा ब्राउजरअन खिलाइ समक्रमित बुकमार्क, नोट र स्पिड डायल सूत्रअनको प्रशासन गर्न खोलिया यक वेबसाइट हो।

भिभालडि डटनेट

मुख्य लेख : भिभालडि (वेब ब्राउजर)

भिभालडि डटनेट यक वैकल्पिक सामुदायिक साइट हो जुन १८ डिसेम्बर २०१३ माइ ओपेरा सफ्टवेयरका संस्थापक रे पूर्व प्रमुख कार्यकारी अधिकृत जोन भोन टेजनर शुरुवात गरेका थिए। जोन भोन टेजनरले व्यक्तिगत स्वागत सन्देश सार्वजनिक गरेका थिए जहाँ उनले माई ओपेराका सदस्यअन खिलाइ नौलो समुदाय प्रदान गर्ने आफ्नो योजनाको वर्णन गरेका थिए। भिभालडि डटनेट यैका सदस्यअन खिलाइ सेवा रे सुविधाअनको प्रदान गर्दछ जस माइ ब्लग, इ-डाँक सेवा, तस्वीर सङ्ग्रह रे प्रयोगस्थलअन समावेश छन्। भिभालडि डटनेट ओपेरा सफ्टवेयरसित सम्बन्धित आथिन।

बाइल्ला सूत्रअन

• ओपेरा फोरमको आधिकारिक वेबसाइट
• इण्टरनेट अभिलेख (अधिक जानकारी आर्काइभ टिम डट अोआरजी माइ)
• ओपेरा सूत्र
• ओपेराको अतिरिक्त सेवा
• ओपेरा विकास
• भिभालडि डटनेट