तृषा (अभिनेत्री)

येइ भारतीय नाउँ मी - कृष्णन उपनाउँ नहोइबर यक पितृनाउँ हो एवं इन व्यक्ति लाइ उनरा प्रदत्त नाउँ - तृषा बठेइ संबोधित अद्दु पड्ड्या हुन्छ।

तृषा कृष्णन (जनम ४ मे १९८३), जो तृषा नाउँ ले पछ्याणिन्छिन, उन यक भारतीय अभिनेत्री और मोडल हुन, रे खासअरिबर दक्षिण भारत का सिनेमा मी काम अरन्छिन जाँ इन ले यक सफल पेशा बनाइराइछ। चेन्नई मी जन्मी तृषा, मिस चेन्नई और इसा-इसाइ सुंदरता प्रतियोगिता जित्या पछा समाचार मी आयिन। तमिल फिलम सामी, गिल्ली रे तेलुगू फिलम वर्षम बठेइ उन लाई सफलता मिलि। तृषा ले प्रियदर्शन कि फिलम खट्टा मीठा बठेइ हिंदी फिलमअन मी प्रवेश अर्या थ्यो। तृषा [[पेटा|पशुअन का सङ्ङ नैतिक व्यवहार का पक्षधर मान्सु]अन का संस्था की समर्थक हुन और उन जनावरअन का सङ्ङ हुन्या अन्याय का खिलाफ भया लगै बतायिया छ।

तृषा कृष्णन
तृषा एक समारोहमी
जन्म	(1983-05-04) 4 May 1983 चेन्नई, तमिलनाडु, भारत
पेशा	चलचित्र अभिनेत्री, मोडल
कार्यकाल	१९९९–वर्तमान

शुरुवाति जीवन

तृषा १९८३ मी चेन्नई का तमिल अय्यर परिवार मी जन्मी अाफुना इजा-बबा कि एकलि संतान हुन। इन ले आफुनि पढ़ाइ सेक्रेड हार्ट म्याट्रिकुलेशन स्कूल, चेन्नई बठेइ पूरा अर्या थ्यो, पाछा ऐतिर जाइबर इन ले इतिराज कलेज फर विमेन बठेइ व्यवसाय प्रशासन मी स्नातक (BBA) अर्यो। सन् १९९९ मी तृषा ले मिस सलेम रे सन् २००० मी मिस चेन्नई सौंदर्य प्रतियोगिता जितिराइथ्यो जै पाछा उन लाइ फिलमअन रे विज्ञापन मिल्ल शुरू भया। उन ले सन् २००१ मिस इंडिया मी "सुंदर मुस्कान" पुरस्कार लै जितिराइथ्यो।

आजीविका

सब है पैल्ली उन फाल्गुनी पाठक को गीद "मेरी चुनर उड़-उड़ जाए" मी आयशा टाकिया कि साथीसङ्ङी का रूप मी धेकियी हुन। उनरो सब है पैल्लो फिलम जोड़ी नाउँ को तमिल फिलम थ्यो जै मी उनरो भूमिका श्रेयरहित थ्यो। पाछा प्रियदर्शन ले आफुना तमिल फिलम लेसा लेसा मी यक अभिनय भूमिका खिलाइ तृषा सित कुरड़िकाआनी अर्या थ्यो। पुइ लै यो फिलम बनौन्या काम लमिया पाछा सन् २००२ को तमिल फिलम मौनम पेसीयाडे' उनरो मुख्य भूमिका वालो पैल्लो फिलम बन्यो। सन् २००३ को फिलम सामी जै मी उन ले यक तमिल ब्राह्मण केटी को भूमिका खेलिराइथ्यो, तृषाको सबहै पैल्लो सफल फिलम थ्यो।

२००४ मी उन ले तेलुगू सिनेमा मी खुट्टो राख्यो, बर्षम् बठेइ जै ले उन लाइ रातारात चर्चित बनाइदियो। उन हताँ खेलियी भूमिका, यक मध्यमवर्गीय केटी जो आफुना बबा का आग्रह मी यक फिलम स्टार बनन्छिन लाइ खुब चर्चा मिलि। तृषा लाइ आफुना प्रदर्शन कि न्युति औरअन का सङ्ङै फिल्मफेयर पुरस्कार दख्खिन मी सर्वश्रेष्ठ अभिनेत्री (तेलुगू) को पुरस्कार मिल्यो। तै पाछा को उनरो फिलम गिल्ली तमिल फिलम थ्यो जै मी उन विजय सित भूमिका मी थिन, सन् २००४ को सब है चर्चित साबित फिलम भयो।